ဖဲကလူးစီဆွံ မံၚကၚအဲလ္ ကးႀဘံၚအဲလ္ ရဥဖဥအဲလ္အမုႈနံၚအပူၚ Rev.Fr.Simom Tin Mg အတႈစံဏတဲၚတဲလီၚတႈ(29.10.2018).

ဖဲကလူးစီဆွံ မံၚကၚအဲလ္ ကၚႀဘံၚအဲလ္ ရဥဖဥအဲလ္ အမုႈဘူဥနံၚ Rev. Fr. Simon Tin Mg အတႈစံဏတဲၚတဲလီၚတႈ

ဖဲ ကလူးစီဆွံ မံၚကၚအဲလ္ယ ကၚႀဘံၚအဲလ္ယ ရဥဖဥအဲလ္ သ့ဥတဖဥ အမုႈဘူဥနံၚအပူၚ သီခါ Rev. Fr. Simon Tin Maung အတႈစံဏတဲၚတဲလီၚတႈ  စဲးပ္တ့ဘ႕ႈ ၂၉ သီ ၂၀၁၈

ဖဲ ၂၀၁၈ နံဥအံၚအပူၚ မ့ႈ၀ဲပတႈမၚလၚကပီၚ ကလူးစီဆွံ စီၚ မံၚကၚအဲအမုႈဖးဒိဥနဥ့လီၚ။ လ႕ဟီဥက၀ီၚအံၚအဂီႈ မ့ႈ၀ဲပတႈစံးဘ်ဳးစံးဖွိဥက့ၚဎြၚ မ့ႈလ႕တႈဆိဥဂ့ၚလ႕ ပဒိးနဥ့တ့ႈလံ၀ဲဖဲနံဥလ႕အပူၚကြံဏ၀ဲအကတီႈ နဥ့လီၚ။ မ့ႈစ့ႈကီးပတႈဟံးနဥ့တႈဂံႈတႈဘါလ႕ ခါဆူညါပတႈအိဥမူအိဥဂဲၚအဂီႈ မ့ႈ၀ဲပတႈဃ့ကညး ဎြၚအတႈဆိဥဂ့ၚ ခီဖ်ိပတႈသနၚ့ပသးလ႕ ကလူးစီဆွံစီၚ မံၚကၚအဲၚအတႈထုကဖဥစ႕ၚနဥ့ပွၚအပူၚနဥ့လီၚ။ ပတႈအိဥတႈဆိးအလီႈမ့ႈဎံၚ၀ဲဘဥဆဥ ဖဲဆ႕ကတီႈအံၚဟဲက့ၚတုၚ၀ဲအခါ သီခါသ့ဥတဖဥအတႈအိဥသဒ႕တနံဥတဘ်ီ၀ံၚအလီႈခံ မ့ႈဆ႕ကတီႈလ႕ အက့ၚကဒါက့ၚ၀ဲဆူအတႈလီႈတႈက်ဲဘဥဆဥ က်ဲးစ႕ၚဟဲက့ၚအိဥဖွိဥက့ၚကဒီးပ၀ဲ လ႕တႈမၚလၚမၚကပီၚတႈအံၚ အဂီႈ ဖဲတႈလီႈအံၚ မ့ႈလ႕ ပွၚကမ်႕ႈဖိသ့ဥတဖဥ အတႈအဲဥတမွံၚတပ်ီၚ တူဥလိဏခီဥဆ႕တႈသ့ဥတဖဥအဃိ နဥ့လီၚ။ လ႕ပွၚအါဂၚအဂီႈ တႈအိဥလ႕အသးပူၚမ့ႈ၀ဲ တႈဘါသရိဏလ႕ Gyobingauk မ့ႈတႈဘါသရိဏလ႕ အထုးနဥ့အသူဥအသးနဥ့လီၚ။ လီၚဆီဒဥတႈ သီဘူဥသီခါလ႕ အဖံးတ့ႈမၚတ့ႈတႈဖဲအံၚ ဒီးဟ့ဥလီၚ၀ဲအသးသမူ လ႕ဎြၚအဘီအမုႈအဂီႈ ပွၚမ့ႈႏုႈလီၚ၀ဲဆူတႈဘါသရိဏအပူၚဒီးပွၚထံဥဘဥ၀ဲ လ႕ႈဘ့ဥဘဥအတႈပနီႈသ့ဥတဖဥ မ့ႈတႈလ႕အဒုးသ့ဥနီႈထီဥပွၚ တႈလ႕အပူၚကြံဏသ့ဥတဖဥ တႈသူဥထီဥလ႕အအိဥဎံဥတ့ႈလံ၀ဲသ့ဥတဖဥ မ့ႈတႈလ႕အအိဥဖ်ါတ့ႈ၀ဲလ႕ ပွၚခဲလ႕ႈအတႈဆိကမိဥ လ႕အ၀ဲသ့ဥအသူဥအသးအပူၚ နဥ့လီၚ။ တမ့ႈတႈလ႕အအိဥဖ်ါ၀ဲ လ႕တႈလီၚလိဏလီၚလးအပူၚဘဥဆဥ မ့ႈတႈလ႕အထူးနဥ့ပသူဥပသး ပွၚသးပ့ႈနီႈအီၚတသ့၀ဲ အိဥ၀ဲဒီးတႈဂ့ႈလ႕အဒိဥ၀ဲနဥ့လီၚ။ တႈစံဏစိၚတဲစိၚလ႕ တႈလီႈအံၚအပူၚ အိဥ၀ဲစ့ႈကီးနဥ့လီၚ။ ဖဲနံဥလ႕အပူၚကြံဏဎံဏတ့ႈလံ၀ဲအပူၚ ပွၚစိဏတႈသးခုကစီႈလ႕ ကီႈဖရဥစ့း (France) သ့ဥတဖဥယ မ့ႈဟဲတုၚ၀ဲလ႕သ့ဥခိဥပွႈက်ါ တႈလီႈအံၚအပူၚနဥ့လဲဥ။ ဖဲတႈတမုႈတခုဥ၀ဲအကတီႈ တႈဒုးတႈဎၚအိဥ၀ဲအကတီႈ ဖဲတႈမၚသံမၚ၀ီတႈအိဥအါ၀ဲအကတီႈ ပွၚသ့ဥတဖဥအံၚ ဟဲတုၚ၀ဲဆူတႈလီႈအံၚ လ႕တႈသူဥဒူသးဒူအပူၚနဥ့လီၚ။ ပွၚဟဲစိဏတႈသးခုကစီႈသ့ဥတဖဥ ဟဲတုၚ၀ံၚအလီႈခံ တဎံဏတမီႈသံကြံဏ၀ဲ အိဥ၀ဲအါဒံအါဂၚနဥ့လီၚ။ မ့ႈလ႕ပွၚတတူဥလိဏပွၚတခီဘီမုႈ ဒီးတႈအီဥတႈအီဖွီဥ၀ဲဎဏ၀ဲအတႈကီတႈခဲ ဒီးတႈဒုးတႈဎၚသ့ဥတဖဥအဃိ ပွၚသံတ့ႈလံ၀ဲအါဂၚဘဥဆဥ လ႕ထဲးဂံႈထဲးဘါဒိဥ၀ဲအပူၚ လ႕ဎြၚအတႈသူဥအိဥသးအိဥတႈဒီး အတႈအဲဥတႈကြံပွၚခဲလ႕ႈသ့ဥတဖဥအဂီႈ မ့ႈတႈလ႕အ၀ဲသ့ဥ အတႈဟ့ဥလီၚအသးသ့ဥတဖဥအဃိ တႈပနီႈဖးဒိဥလ႕မုႈတနံၚအံၚ အိဥဖ်ါတ့ႈ၀ဲလ႕ ပမဲဥညါနဥ့လီၚ။ တႈဘါသရိဏအတႈပ႕အံၚ ဘဥမႏုလ႕ပွၚဟ့ဥအမံၚလ႕ ကလူးစီဆွံိစီၚမံၚကၚအဲလ္ နဥ့လဲဥ၊ ဖဲနဥ့အကတီႈ လ႕ပွၚစိဏတႈသးခုကစီႈသ့ဥတဖဥအဂီႈ ဒီးလ႕ပွၚကမ်႕ႈဖိသ့ဥတဖဥအဂီႈ ပွၚလိဏဘဥတႈလ႕အခ့်မ့ႈ၀ဲ တႈကြႈထြဲကဟုကဎဏ တႈဘံဥတႈဘ႕နဥ့လီၚ။ ဖဲနဥ့အကတီႈပွၚလ႕အကြႈထြဲတႈသ့ဥတဖဥ မ့ႈ၀ဲသုးမုႈသံဥဘိဒီး ဂ႕ၚကီႈသ့ဥတဖဥနဥ့လီၚ။ သုးမုႈသံဥဘိ အဖုအလီၚဆီ၀ဲသ့ဥတဖဥအိဥတ့ႈလံ၀ဲ ဖဲတႈလီႈအံၚ လ႕ဆ႕ကတီႈအပူၚကြံဏ၀ဲအပူၚနဥ့လီၚ။ ပွၚအဖုအလီၚဆီ၀ဲသ့ဥတဖဥအဘ႕ႈစ႕ၚ တႈဒုးလိဏဎၚလိဏသး မၚသံမၚ၀ီလိဏသးအိဥအါ၀ဲနဥ့လီၚ။ ဒ္နဥ့အသိးကလုႈဒူဥအလီၚဆီလ႕ ထံကီႈအပူၚသ့ဥတဖဥစ့ႈကီးထီဒုဥဒါလိဏအသး အကတီႈနဥ့လီၚ။ မုႈမဆါတနံၚအံၚ တႈဒုးလိဏဎၚလိဏသးသ့ဥတဖဥ စးထီဥလံ၀ဲဖဲဆ႕ကတီႈလ႕အပူၚကြံဏတ့ႈလံ၀ဲအပူၚ နဥ့လီၚ။ ပွၚစိဏတႈသးခုကစီႈသ့ဥတဖဥဟဲတုၚ၀ဲလ႕ ၀့ႈ(၃၀) တႈလီႈအပူၚ ပွၚတ့ဘွီထီဥတႈဘါသရိဏ၀ံၚ ပွၚဎုႈအမံၚလ႕ပွၚစီဆွံစီၚဎိၚသး လ႕အခိးကြႈပ႕ႈဆွ႕တႈ ဒီးသနၚ့သးလ႕ အတႈမၚစ႕ၚတႈအပူၚနဥ့လီၚ။ RCM အတႈဘါသရိဏ ကဲထီဥ၀ဲ တႈသနၚ့သးအလီႈလ႕ ပွၚကမ်႕ႈဖိသ့ဥတဖဥအဂီႈယ  ဒီးလ႕ပွၚခဲလ႕ႈအဂီႈ တႈနဥ့ဘ်ဳးနဥ့ဖွိဥတမံၚမ့ႈ၀ဲ တႈကူဥဘဥကူဥသ့လ႕ပွၚကမ်႕ႈဖိသ့ဥတဖဥအဂီႈ ဒ္နဥ့ဒီးပွၚတ့ဘွီထီဥ၀ဲ တႈသိဥလိကေိသ့ဥတဖဥ တႈဘါသရိဥသ့ဥတဖဥ နဥ့လီၚ။ ပွၚစိဏတႈသးခုကစီႈသ့ဥတဖဥ တမ့ႈပွၚလ႕အဟံးနဥ့တႈဘ်ဳးလ႕ပွၚဂၚအအိဥ တမ့ႈပွၚလ႕အဟံးနဥ့တႈဟ့ဥသါသ့ဥတဖဥဘဥနဥ့လီၚ။ ဖဲပွၚထီဒါအဲးကလံးအသုးဖိသ့ဥတဖဥအခါ ပွၚမ့ႈထံဥပွၚလ႕ကီႈ (ၿပင္သစ္) သ့ဥတဖဥဒီး ပွၚဆိကမိႈလ႕အမ့ႈ ကိးလၚ၀ါဒ္သိးသိးအဃိ ပွၚထီဒုဥဒါအ၀ဲသ့ဥ နဥ့လီၚ။ ဖဲနဥ့အကတီႈ ကိၚလၚ၀ါသ့ဥတဖဥ မ့ႈပွၚလ႕အဟံးနဥ့တႈဘ်ဳးလ႕ထံကီႈအပူၚ မ့မ့ႈပွၚလ႕ကီႈ (ၿပင္သစ္)သ့ဥတဖဥ လ႕တႈစိဏဆွ႕တႈသးခုကစီႈအတႈမၚအပူၚ တ့ဘွီထီဥ၀ဲ တႈသိဥလိကေိ ဒီးမၚတႈလ႕အဂ့ၚ၀ဲ လ႕ကမ်႕ႈဖိသ့ဥတဖဥ အဂီႈနဥ့လီၚ။ အ၀ဲသ့ဥအကစႈဒဥ၀ဲဟဲစိဏ၀ဲ တႈဖိတႈလံၚ က်ိဏစ့သ့ဥတဖဥလ႕အထံအကီႈအပူၚ ဒ္ပထံဥဘဥ၀ဲလ႕ ခ်႕ႈလြံဥထူဥစ့ႈကီး ဒီးလ႕ထံထဥစြ’တႈလီႈသ့ဥတဖဥအပူၚစ့ႈကီး ဒီးထ႕ဖွိဥတႈမၚဘူဥလ႕ အတႈလီႈတႈက်ဲ အထံလီႈကီႈပူၚသ့ဥတဖဥအပူၚ၀ံၚ မၚတႈဒ္သိးတႈကကဲထီဥလိဏထီဥ၀ဲအဂီႈနဥ့လီၚ။ ဘဥဆဥ မ့ႈလ႕ပွၚတဖုဒီးတဖုသ့ဥတဖဥ ထီဒုဥဒါလိဏအသး ဒီးတႈတမုႈတခုဥ၀ဲအဃိ ပွၚစိဏဆွ႕တႈသးခုကစီႈသ့ဥတဖဥ ဘဥတႈမၚသံကြံအီၚ ဘဥဟ့ဥလီၚကြံဏ၀ဲအသးသမူ နဥ့လီၚ။ လ႕တႈစံဏစိၚတဲစိၚအပူၚ သြံဥလ႕အဘဥဂဏလီၚအသး သြံဥလ႕အလီၚစီၚ၀ဲသ့ဥတဖဥ မ့ႈတႈလ႕အလီၚဂဏဒ္ တႈအခ်ံလ႕အကမဲထီဥ၀ဲအဂီႈ နဥ့လီၚ။ မုႈတနံၚအံၚ ပနဥ့ဘဥ၀ဲတႈခြဲးတႈဎဏလ႕ ဎြၚအအိဥ လ႕တႈမၚလၚကပီၚ၀ဲတႈဘါသရိဏအံၚအမူးသးဖွံ လ႕တႈသူဥဖွံသးညီအပူၚနဥ့လီၚ။ မ့ႈ၀ဲ သီဘူဥသီခါ သဘ့်မုႈသဘ့်ခြြါ တႈအိဥဖွိဥသရဥယသရဥမုဥသ့ဥတဖဥ ဒီးကဎဲႈပွၚလ႕အအိဥဒီးတႈသူဥဂ့ၚသး၀ါ ခဲလ႕ႈသ့ဥတဖဥအတႈဖံးတ့ႈမၚတ့ႈတႈ ဖဲအပူၚကြံဏအါနဥ့အနံဥ ၁၀၀ သ့ဥတဖဥ၀ံၚအလီႈခံ မုႈတနံၚအံၚပနဥ့ဘဥ၀ဲ တႈခြဲးတႈဎဏလ႕ တႈမၚလၚကပီၚတႈအံၚအဂီႈ မ့ႈ၀ဲတႈဟ့ဥဘ်ဳးလ႕ဎြၚနဥ့လီၚ။ ပတႈမၚလၚကပီၚတႈအံၚ မ့ႈလဲၚဃုဏအသးဒီးတႈစံဏစိၚတႈစိၚဒီး မ့ႈတႈလ႕အခီပညီဒိဥ၀ဲတမံၚနဥ့လီၚ။ ဆ႕ကတီႈလ႕အပူၚကြံဏ၀ဲသ့ဥတဖဥအပူၚ ဖဲတႈမၚလၚကပီၚတႈအကတီႈ ပွၚဟဲတုၚ၀ဲဆူကေိကရ႕ႈအံၚအပူၚ အိဥအါ၀ဲနဥ့လီၚ။ ဖဲနဥ့အကတီႈအိဥ၀ဲဒီး တႈဘုဥအီဥဘုဥအီၚ တႈဂဲၚကလံဏ တႈအီဥအီတႈ တႈမၚအသးသ့ဥတဖဥ နဥ့လီၚ။ ဆ႕ကတီႈအခဲအံၚ တႈဂဲၚကလံဏတအိဥလ႕ၚဘဥနဥ့လိီၚ။ ဆ႕ကတီႈလ႕အပူၚကြံဏအိဥ၀ဲဒီး တႈဘူဥထူဘါဎြၚ တႈဂဲၚကလံဏ တႈအီဥတႈအီ တႈမၚအသးလ႕အအိဥဒီးတႈသူဥဖွံသးညီ သ့ဥတဖဥနဥ့လီၚ။ တႈအိဥအသး တမ့ႈတႈလ႕အမုႈ၀ဲခုဥ၀ဲထီဘိဘဥနဥ့လီၚ။ တႈကီတႈခဲသ့ဥတဖဥအိဥထီဥ၀ဲအဃိ ပွၚစိဏတႈသးခုကစီႈသ့ဥတဖဥ ဘဥတႈမၚသံကြံဏအီၚအဃိ တႈမၚလၚကပီၚတႈအဆ႕ထီဥတဲႈတ့ႈ၀ဲလ႕ ဆ႕ကတီႈတနီၚ လ႕အပူၚကြံဏတ့ႈ၀ဲအပူၚ ပွၚဘဥဟးအိဥခူသူဥ၀ဲနဥ့လီၚ။ ဖဲသီခါတခ်ဳးဆီတလဲကြံဏအလီႈအခါ ဖဲတႈကီတႈခဲအဆ႕ကတီႈ ပွၚလ႕အသးအိဥတ့ႈလံ၀ဲ ၁၁ နံဥတဂၚ ဒုးနဲဥအီၚတႈလီႈတႈက်ဲ ဒုးသ့ဥညါဘဥအီၚတႈလ႕အမၚတ့ႈလံအသး ဖဲဆ႕ကတီႈလ႕အပူၚကြံဏ၀ဲသ့ဥတဖဥအဂ့ႈနဥ့လီၚ။ ပွၚလ႕အခုဥထုးထီဥတႈလ႕ကေိကရ႕ႈအပူၚသ့ဥတဖဥ အိဥ၀ဲ ဒီးတနီၚထံဥနဥ့ဘဥ၀ဲ ပသံးသ့ဥတဖဥ စ့ႈကီးနဥ့လီၚ။ တႈကီတႈခဲအိဥတ့ႈလံ၀ဲဘဥဆဥ ပွၚခီဖ်ိကြံဏ၀ဲတတီၚဘဥတတီၚအဃိ မ့ႈ၀ဲတႈဘ်ဳးတႈဖွိဥလ႕ဎြၚနဥ့လီၚ။ လ႕ပတႈစူဥတႈနဏအတႈဂ့ႈမိႈပွႈအပူၚ ပတႈအိဥဖွိဥရိဖွိဥ၀ဲဒီးပွၚမူခိဥဖိသ့ဥတဖဥ မ့ႈ၀ဲတႈဂ့ႈမိႈပွႈတထံဥနဥ့လီၚ။  မူခိဥကလူးသ့ဥတဖဥ မ့ႈပွၚလ႕အမၚတႈအခ့အပွၚအတႈမၚလ႕ ဎြၚအခီဥထံးမဲဥညါ မ့ႈပွၚသ့ဥတဖဥလ႕ အဆဲးက်႕ပဏဘူး၀ဲ မူခိဥဒီးဟီဥခိဥနဥ့လီၚ။ မုႈတနံၚ ပမၚလၚကပီၚ၀ဲ မူခိဥကလူးသ့ဥတဖဥလ႕အမ့ႈ ၀ဲ Michael, Gabriel, Raphael သ့ဥတဖဥနဥ့လီၚ။ ပသ့ဥညါဘဥ၀ဲ မူခိဥကလူးဒီးပွၚကညီသ့ဥတဖဥ အတႈအိဥဘူးအိဥတံဥလိဏအသး အတႈဂ့ႈနဥ့လီၚ။

လ႕မူခိဥတႈဒုးဖးဒိဥအိဥထီဥ၀ဲယ

မ့ႈ၀ဲလ႕အကစႈဒဥ၀ဲ အတႈဃုထ႕ထီဥတႈအဃိ မူခိဥကလူးတနီၚ ကဲထီဥ၀ဲမုႈကီၚလံဏ အခိဥအနဥမ့ႈ၀ဲ Lucifer ဒီးတႈဒုးလိဏသးဒီး ဎြၚကလူးသ့ဥတဖဥအိဥထီဥ၀ဲ နဥ့လီၚ။ မ့ႈလ႕တႈထီဒါဎြၚအဃိ လီႈဒိဥလၚထီလ႕အမၚနဥ့၀ဲအံၚ လီၚမဥကြံဏ၀ဲ မ့ႈဒဥလ႕အကစႈဒဥ၀ဲ အတႈဃုထ႕ထီဥတႈ နဥ့လီၚ။ ဘဥဆဥယမူခိဥကလူးလ႕အဂ့ၚ၀ဲသ့ဥတဖဥ မ့ႈပွၚသ့ဥတဖဥလ႕ အဘဥဃးဒီးတႈပ႕ၚဃဥ ဎြၚအတႈဂ့ၚတႈ၀ါ ဒ္နဥ့ဒီး တုၚမုႈတနံၚအံၚဒဥလဲဥ ဖဲတႈလီႈကိးပူၚဒဲး ပပဏ၀ဲ မူခိဥကလူးစီၚမံၚကၚအဲ ဒ္အမ့ႈပွၚလ႕အခိးကြႈပ႕ဆွ႕ပွၚ နဥ့လီၚ။ ဖဲတႈထုကဖဥတႈဆူ မူခိဥကလူးမံၚကၚအဲၚအပူၚ မ့ႈ၀ဲဒ္သိး အကဒုးလီၚ၀ဲ မုႈကီၚလံဏဆူ လ႕ႈရဥအပူၚအဂီႈနဥ့လီၚ။ လ႕ဟံဥပူၚဃီပူၚ ပွၚတနီၚပဏညီႏုႈ၀ဲ ကလူးစီဆွံစီၚမံၚကၚအဲအတႈဂီၚ လ႕တႈအိဥပူၚဖ်ဲးဒီးတႈအ႕တႈသီ တႈလ့ပစီအဂီႈနဥ့လီၚ။ ပကဘဥအိဥဒီးတႈပလီႈသူဥပလီႈသး ဒ္သိးပသုတအိဥဒီးတႈပဏသူဥပဏသးဒ္ Lucifer အသိးဘဥနဥ့လီၚ။ ဖဲပမၚလၚကပီၚတႈအကတီႈ တႈဂ့ၚတႈ၀ါသ့ဥတဖဥ ကဘဥမ့ႈ၀ဲလ႕ပတႈအိဥမူ ပသူဥပသးအပူၚနဥ့လီၚ။ ပစူဥပနဥ၀ဲလ႕ ပမ့ႈအိဥဒီးတႈသူဥဂ့ၚသး၀ါဒီး ကလူးသ့ဥတဖဥ ကမၚစ႕ၚပွၚနဥ့လီၚ။ မ့ႈတႈအ႕တႈသီ အိဥလ႕ဎသူဥဎသးအပူၚဆံးအါလဲဥ။ မ့ႈဎမ့ႈပွၚလ႕အလူၚဟးလ့ပစီပွၚအဂၚလံဧါ။ မ့ႈတႈဆ႕ကတီႈလ႕အဂ့ၚ၀ဲ လ႕ပတႈကြႈထံဆိကမိႈလီၚက့ၚပသး အဂီႈနဥ့လီၚ။ မူခိဥကလူး Raphael အဂ့ႈ ပထံဥဘဥ၀ဲလ႕ လံဏ Tobitas အပူၚနဥ့လီၚ။ Tobias မ့ႈပွၚလ႕အအိဥဒီးတႈသူဥဂ့ၚသး၀ါ မ့ႈပွၚလ႕အမၚတႈဂ့ၚ လ႕ပွၚဎူဒဥဖိသ့ဥတဖဥအဂီႈ မ့ႈပွၚလုႈဒိဥပွၚ့ဒိဥ ဒိဂ့ၚတဲဥဘဥတဂၚနဥ့လီၚ။ ပွၚဎူဒၚဖိသ့ဥတဖဥမ့ႈသံ၀ဲအကတီႈ မ့ႈတႈလ႕အကါဒိဥ၀ဲ ပွၚဒုးလုႈအီၚလ႕ထံ ပွၚဖွဴ၀ဲပွၚသံအစိဏလ႕တႈန႕မူ ပွၚဆွ႕အီၚဂ့ၚဂ့ၚဘဥဘဥဆူတႈသြဥခိဥနဥ့လီၚ။ Tobias မၚတႈလ႕ တႈပဏလီၚပွၚသံသ့ဥတဖဥ ဂ့ၚဂ့ၚဘဥဘဥနဥ့လီၚ။ မ့ႈပွၚလ႕အအဲဥထူအဲဥဎြၚ အိဥ၀ဲဒီးတႈထူးတႈတီၚ။ မူခိဥကလူးလ႕မူခိဥ မၚစ႕ၚပွၚလ႕အအိဥဒီး တႈသူဥဂ့ၚသး၀ါနဥ့လီၚ။ သ့တနၚက်႕ၚမၚတႈ၀ံၚအလီႈခံ တႈဘွံးအသးဒီးမံဘဥအသး အကတီႈ ထိဥအ့ဥဆါလီၚ၀ဲဆူအမဲဥသဥလိၚ ဒီးအမဲဥဘ်ီဥ၀ဲနဥ့လီၚ။ မူခိဥကလူးသ့ဥတဖဥ မၚစ႕ၚပွၚလ႕အအိဥဒီး သူဥဂ့ၚသး၀ါသ့ဥတဖဥ နဥ့လီၚ။ အမဲဥဘ်ီဥဘဥဆဥ မူခိဥကလူးလဲၚဃုဏတႈဒီးအီၚ ဒ္အတံၚသကိးတဂၚနဥ့လီၚ။ ပွၚဎူဒၚဖိသ့ဥတဖဥအလုအလဏတမံၚမ့ႈ၀ဲ တႈတ့လိဏဖ်ီလိဏသးထဲဒဥလ႕ အ၀ဲသ့ဥအကစႈဒဥ၀ဲ အပွၚကလုႈအက်ါနဥ့လီၚ။ ဘဥဆဥယ ဖဲဆ႕ကတီႈအံၚအပူၚ တႈဒုးတႈဎၚသ့ဥတဖဥအိဥထီဥ၀ဲ ပွၚသံ၀ဲအဃိ ပိဏမုႈတအိဥလ႕ၚဘဥနဥ့လီၚ။ ဘဥလဲၚမၚနဥ့၀ဲပိဏမုႈလ႕ အဖိခြါအဂီႈ ဒီးလ႕အတႈမၚခဲလ႕ႈသ့ဥတဖဥ အတႈကဲထီဥလိဏထီဥအဂီႈ မူခိဥကလူးအိဥလ႕အကပၚထီဘိ ကြႈထြဲမၚစ႕ၚအီၚ ဒီးလ႕ခံကတ႕ႈ ဒုးသ့ဥညါအိီၚလ႕ အအိဥဘူးဒီးအီၚအဂ့ႈနဥ့လီၚ။ အဃိ ပမ့ႈအိဥဒီးတႈသူဥဂ့ၚသး၀ါဒီး တႈဒိးနဥ့ဘဥက့ၚတႈသူဥဂ့ၚသး၀ါအဘ်ဳးအဖွိဥ အိဥဖ်ါ၀ဲလ႕တႈမၚအသးသ့ဥတဖဥအံၚ အပူၚနဥ့လီၚ။ ပမ့ႈမၚတႈဂ့ၚဒီး ပကထံဥဘဥတႈဂ့ၚ ပမ့ႈမၚတႈအ႕ ပကထံဥဘဥတႈအ႕ အိဥ၀ဲဒီးတႈသူဥဂ့ၚသး၀ါအဃိ ဒိးနဥ့ဘဥ၀ဲ ကလူးလ႕အဂ့ၚ၀ဲသ့ဥတဖဥ အတႈခိးကြႈပ႕ဆွ႕အီၚနဥ့လီၚ။ ပမ့ႈအိဥဒီးတႈသူဥဂ့ၚသး၀ါဒီး ပကသ့ထံဥဘဥဎြၚနဥ့လီၚ။ လ႕တႈဒိးနဥ့တႈသးခုကစီႈအဂီႈ မ့ႈ၀ဲလ႕ကလူး Gabriel အတႈစိဏဆွ႕တႈကစီႈအဃိနဥ့လီၚ။ လဲၚတုၚ၀ဲဆူနီႈမၚရံအအိဥယ ဒီးဖဲစီၚဎိၚသး ကဘဥမၚတႈမႏုမႏုတသ့ဥညါလ႕ၚ၀ဲအကတီႈ လဲၚတုၚ၀ဲဆူအအိဥ ဒီးပဏဖ်ါထီဥတႈလ႕ အကဘဥမၚတႈဒ္လဲဥဒ္လဲဥနဥ့လီၚ။ လ႕ပတႈအိဥမူအပူၚ ပအိဥဒီးတႈလ႕ ပကဘဥဆ႕တဲႈတႈသ့ဥတဖဥနဥ့လီၚ။ တဘ်ီဘ်ီလီၚဂဏဒ္က်ဲလီၚမဥကြံဏ၀ဲ တႈသူဥဖွီဥသးဖွီဥအိဥထီဥ၀ဲယ ဖဲနဥ့ဎြၚဆွ႕လီၚအကလူး ဒ္သိးအကမၚစ႕ၚပွၚအဃိ ပထံဥသ့ဥညါဘဥ၀ဲလ႕ မူခိဥဒီးဟီဥခိဥဘဥဃးဘ်းစဲလိဏအသးနဥ့လီၚ။ ပစူဥပနဥ၀ဲကလူးလ႕အခိးကြႈပ႕ႈဆွ႕ပွၚ အိဥ၀ဲအဂ့ႈနဥ့လီၚ။ လ႕ပထံပကီႈအပူၚ ခရံဏဖိအတႈဘူဥတႈဘါတခ်ဳးဟဲတုၚဒ္၀ဲအကတီႈ တႈစူဥတႈနဏအံၚ အိဥပဏစ႕ၚလံ၀ဲလ႕ ပွၚကမ်႕ႈဖိသ့ဥတဖဥအသးပူၚနဥ့လီၚ။ ပစံးတႈကလိဏ ကလူးလ႕အခိးပ႕သ့ဥပွႈယ ကလူးလ႕ကစ႕ႈကလိအဂီႈယ ကလူးလ႕အခိးကြႈပ႕ဆွ႕ဟံဥဃီယ ပကစံးတ့ႈမးဒ္ပွၚကိး၀ဲလ႕ မုႈဃါ လ႕အဂ့ၚ၀ဲသ့ဥတဖဥနဥ့လီၚ။ မ့ႈတႈလ႕အဘဥဃးဒီး ဎြၚအတႈဆီဥထြဲမၚစ႕ၚပွၚ ခီဖ်ိကလူးသ့ဥတဖဥနဥ့လီၚ။ ဖဲပတႈမၚလၚမၚကပီၚတႈအကတီႈ တႈစူဥတႈနဏလ႕ပမၚနဥ့အီၚ ဎံဏတ့ႈလံ၀ဲအံၚ ပကဘဥမၚဆူဥထီဥအီၚ ပ႕ၚဃဥအီၚ နဥ့လီၚ။ လ႕ပွၚတဂၚဒီးတဂၚ အတႈမၚသံမၚ၀ီလိဏသးအလီႈ ခီဖ်ိဎြၚအတႈဟ့ဥလီၚပွၚလ႕ မူခိဥကလူးသ့ဥတဖဥအဃိ မ္ပကသ့ဆ႕တဲႈတႈ လ႕အဘဥ၀ဲသ့ဥတဖဥ၀ံၚအလီႈခံ မ္ပကအိဥမူ၀ဲလ႕ခါဆူညါ ဒ္ပတႈစူဥတႈနဏအိဥ၀ဲအသိး က်ဲးစ႕ၚမၚလိမၚဒိးပသး လ႕တႈသ့တႈဘဥသ့ဥတဖဥ လ႕တႈသ့ထံဥနဥ့ဎြၚအဂီႈနဥ့တက့ႈ။ ပသ့သးပ့ႈနီႈကြံဏ တႈမၚလိမၚဒိးလ႕တႈသိဥလိကေိအပူၚသ့ဥတဖဥ ဘဥဆဥ ဒ္တႈဂ့ၚတႈ၀ါလ႕ အဟဲလီၚစ႕ၚလီၚသြဲဥ၀ဲလ႕ ပမိႈပပႈ ဒီးပွၚစိဏတႈသးခုကစီႈသ့ဥတဖဥအအိဥ အသိး ပကဘဥအဲဥကြံဎြၚယ အိဥဒီးတႈသူဥဂ႕ႈသးက်႕ၚလ႕ တႈစူဥတႈနဥ တႈပဏသူဥပဏသးလ႕အဂ့ၚ ဆီဥထြဲမၚစ႕ၚပွၚအဂၚဆူဎြၚအအိဥ အိဥမူသကိးဒ္ဒူဥဖိထ႕ဖိလ႕ အအိဥဖ်ါဃံလၚ၀ဲလ႕ ဎြၚဒီးပွၚကညီအမဲဥညါ ဒီးဒိးနဥ့က့ၚသကိးတႈဂံႈတႈဘါ အိဥမူသကိးလ႕ခါဆူညါ အိဥဒီးဒိဂ့ၚတဲႈဘဥ လ႕တႈသူဥဆူဥသးဂဲၚအပူၚနဥ့တက့ႈ။ မ္ဎြၚဆိဥဂ့ၚဘဥသု ထီဘိတက့ႈ။

RVA SAGAW KAREN SERVICE

TO VIEW VIDEO: PLEASE CLICK THE POST BELOW

Add new comment

8 + 0 =

Please wait while the page is loading