ထံလီႈကီႈပူၚတႈကစီဥ ဒံဥစ့ဘ႕ႈ ၃ သီ

သီခါကရ႕ခိဥ Bishop Ramond Po Ray အတႈစံးကတိၚတႈ

စးထီဥလ႕မုႈတနံၚအံၚ တုၚလ႕လါဒံဥစ့ဘ႕ႈ ၂၅ သီ ခရံဏအိဥဖ်ဲဥအမုႈနံၚဟဲတုၚ၀ဲအကတီႈ ပအိဥကတဲႈကတီၚပသးလ႕ တႈမၚလၚကပီၚခရံဏအိဥဖ်ဲဥအဂီႈနဥ့လီၚ’ လါတဘ့ဥအံၚမ့ႈတႈလ႕အလီၚတိဏလီၚဆီ၀ဲ လ႕ပ၀ဲသ့ဥခဲလ႕ႈအဂီႈနဥ့လီၚ’ တႈလ႕ပညီႏုႈမၚအီၚလ႕ Mawlamyaine အတႈပ႕အပူၚ ကဲးသလံးတႈအိဥဖွိဥကရ႕မ့ႈဂ့ၚ ခရံဏဖိကရူႈခဲလ႕ႈသ့ဥတဖဥမ့ႈဂ့ၚ ပဆ႕ဂ့ၚဆ႕၀ါ တူဥလိဏခီဥဆ႕ ဘုဥအီဥဘုဥအီ ဒီးပဟ့ဥစ့ႈကီး ခရံဏအိဥဖ်ဲဥအတႈဟ့ဥ ဆူပွၚသးပွႈလ႕အအိဥ၀ဲလ႕ ကီႈဆဥအလီၚဆီ၀ဲသ့ဥတဖဥအပူၚနဥ့လီၚ’

ဘဥဆဥ ဖဲ ၂၀၁၈ တနံဥအံၚအပူၚ တႈလ႕ပညီႏုႈမၚအီၚအံၚ ပဆိကတီႈကြံဏအီၚ ဒ္သိးခရံဏဖိကရူႈသ့ဥတဖဥ ကအိဥဃူအိဥဖိးလိဏအသး အါထီဥဒီးအါထီဥ၀ဲအဂီႈယ ဒ္သိးပကသ့မၚဃုဏသကိးတႈလ႕ တႈအခီပညီဒိဥ၀ဲအပူၚ ကသ့၀ဲအဂီႈနဥ့လီၚ’

တႈကဲထီဥလိဏထီဥ မ့ႈတအိဥထီဥဒ္၀ဲလ႕လ႕ပွဲၚပွဲၚဘဥဆဥ တႈဖံးဃုဏမၚဃုဏတႈ မၚလၚကပီၚဃုဏတႈ ဟံးနဥ့ဃုဏသကိးမူဒါ မ့ႈအိဥ၀ဲဒီး ပကသ့မၚလၚကပီၚ ခရံဏအိဥဖ်ဲဥလ႕တႈအခီပညီဒိဥ၀ဲအပူၚ ဒီးကကဲဘ်ဳးကဲဖွိဥ၀ဲယ ကကဲထီဥတႈဒိဂ့ၚတဲႈဘဥလ႕ ပွၚလ႕အအိဥလ႕ ပခိဥပဃ႕ၚခဲလ႕ႈသ့ဥတဖဥအဂီႈနဥ့လီၚ’

လ႕ဟီဥခိဥဒီဘ့ဥအပတီႈတႈအိဥအသးအပူၚ ပထံဥဘဥ၀ဲလ႕ ပွၚအိဥဎံၚ၀ဲဒီးဎြၚနဥ့လီၚ’ ပွၚတကနဏဃုဏ န’ဆ႕ႈအတႈသုးတႈက်ဲၚလ႕ၚဘဥနဥ့လီၚ’ တႈလူၚပိဏထြဲသကဲးပ၀ဏအတႈသိဥတႈသီ စွၚလီၚဒီီးစွၚလီၚ၀ဲနဥ့လီၚ’ တႈအိဥမူအိဥဂဲၚလ႕ ဎြၚဒီးအတႈသိဥတႈသီအပူၚ မ့ႈတႈလ႕အကါဒိဥ၀ဲသပွႈကတ႕ႈယ ဒီးန’ဆ႕ႈတႈအိဥအသး မ့ႈတႈလ႕အလဲၚဃုဏတႈဒီး ဎြၚအတႈသုးတႈက်ဲၚထီဘိ ဒီးအအံၚမ့ႈ၀ဲတႈမ့ႈတႈတီတမံၚနဥ့လီၚ’

မ္ပကအိဥမူသကိး ဒ္ခရံဏကစႈအကလုႈကထါ ဒီးအတႈအိဥမူအိဥဂဲၚ အိဥဖ်ါ၀ဲလ႕ပမဲဥညါအသိးနဥ့တက့ႈ’ ဒ္နဥ့ဒီး ပတႈအိဥမူအိဥဂဲၚ ကအိဥလ႕ပွဲၚ၀ဲဒီး တႈမုဏတႈခုဥ တႈသူဥဖွံသးညီ တႈအီဥကုးအီပွဲၚသ့ဥတဖဥနဥ့လီၚ’ ပကမၚန႕ၚကြံဏ တႈအ႕တႈသီသ့ဥတဖဥနဥ့လီၚ’

ခရံဏမ့ႈပွၚလ႕အတူဥဆါအသးယ ဘဥတႈမၚနးမၚဖွီဥအီၚယ လ႕ခံကတ႕ႈ ဘဥ၀ံ၀ဲဎိး၀ဲထူဥစုညါ ဘဥတႈမၚသံအီၚလ႕ ထူဥစုညါအလိၚ နဥ့လီၚ’ ဘဥမႏုအဃိလဲဥ’ မ္ပကကြႈထံဆိကမိႈသကိးတက့ႈ’ ခရံဏအတႈအိဥမူအိဥဂဲၚတ့ႈလံ၀ဲဒ္ ပွၚလ႕ပထံဥအီၚသ့၀ဲတဂၚအသိး လ႕ဟီဥခိဥခ်႕အတီႈ မ့ႈဒိတဲႈလ႕ ပကဘဥအိဥမူထြဲ၀ဲအဂီႈနဥ့လီၚ’ မ္ပကလူၚပိဏထြဲ အဒိဂ့ၚတဲႈဘဥသ့ဥတဖဥ နဥ့တက့ႈ’ မ္ပကလဲၚပိဏထြဲ က်ဲတီက်ဲလိၚ ဒ္အအိဥဖ်ါ၀ဲလ႕ ခရံဏကစႈအတႈအိဥမူအပူၚ အသိးနဥ့တက့ႈ’

TO ViEW VIDEO: PLEASE CLICK THE POST BELOW

တႈဂီၚမူအိဥဖဲအဖီလဏအံၚနဥ့လီၚ ဆီဥလီၚဒီးကြႈကီဒိကနဥဘဥတက့ႈ

Add new comment

8 + 1 =

Please wait while the page is loading