ပႈပါဖရဥစ့းအတႈစံဏတဲၚတဲလီၚတႈဖဲ အလုႈထီဥ၀ဲတႈလုႈမံးဆါလ႕ UAE အပူၚ ဖ့ႀဘဴၚအါရံၚ ၅ သီ ၂၀၁၉

ပႈပါဖရဥစ့းအတႈစံဏတဲၚတဲလီၚတႈဖဲ အလုႈထီဥ၀ဲတႈလုႈမံးဆါလ႕ UAE အပူၚ ဖ့ႀဘဴၚအါရံၚ ၅ သီ ၂၀၁၉

ဖဲအတႈလုႈထီဥ၀ဲတႈလုႈမံးဆါလ႕ UAE အပူၚ ပႈပါ Francis ကြဲမုႈ၀ဲပွၚခရံဏဖိခဲလ႕ဏသ့ဥတဖဥ ဒ္သိးအကအိဥမူသကိး၀ဲလ႕ တႈမုဏတႈခုဥအပူၚ ဒီးဒ္သိးအကသ့ဥနီဥထီဥ၀ဲလ႕ ခရံဏလဲၚတႈဒီးအ၀ဲသ့ဥ ထီဘိအဂ့ႈနဥ့လီၚ’

ပွၚခရံဏဖိလ႕အအိဥ၀ဲလ႕ကီႈ UAE အပူၚသ့ဥတဖဥမ့ႈ၀ဲပွၚသုးလီႈသုးက်ဲ အါတက့ႈမ့ႈ၀ဲလ႕ ကီႈ Philippines ဒီးကီႈ India ဒ္သိးအကဖံးတႈမၚတႈအဂီႈနဥ့လီၚ’ ပႈပါအတႈလုႈထီဥ၀ဲတႈလုႈမံးဆါအံၚ မ့ႈ၀ဲဖဲ ၂၀၁၉ လါ February ၅ သီယ ဒီးလ႕တႈလုႈမံးဆါအပူၚ ပႈပါဘိးဘဥသ့ဥညါတႈဘဥဃးဒီး တႈမၚမံသူဥမံသးပွၚဒီး တႈမုဏလဥအဂ့ႈနဥ့လီၚ’

တႈအိဥမူအိဥဂဲၚလ႕အအိဥဎံၚ၀ဲဒီးပကစႈဒဥ၀ဲပထံလီႈကီႈပူၚယ ပအိဥဎံၚ၀ဲဒီးပွၚလ႕ပအဲဥအီၚသ့ဥတဖဥ တမ့ႈတႈလ႕အဘီဥ၀ဲညီ၀ဲဘဥဒီး ခါဆူညါတႈလီၚတံဥလီၚဆဲးတအိဥ၀ဲဘဥဒီး ပွၚခီဖ်ိထံဥဘဥတႈသ့ဥတဖဥအံၚသ့၀ဲအဂ့ႈယ ဘဥဆဥ ဎြၚပကစႈမ့ႈပွၚလ႕အသူဥတီသးလီၚဒီး တပဏသဎုႈသတြၚပွၚဘဥအဂ့ႈ ပႈပါ Francis စံး၀ဲနဥ့လီၚ’

ပႈပါလုႈထီဥ၀ဲတႈလုႈမံးဆါလ႕ တႈတီတႈလိၚဒီးတႈမုဏတႈခုဥအဂီႈယ ဒီးပဏဖ်ါထီဥ၀ဲ တႈဆိဥဂ့ၚ (Beatitutes) အဂ့ႈအက်ိၚ လ႕အဘဥထြဲလိဏအသးဒီး ပွၚခရံဏဖိလ႕ Middle East သ့ဥတဖဥအတႈအိဥမူအိဥဂဲၚနဥ့လီၚ’ စံး၀ဲလ႕ ပွၚခရံဏဖိဖဲတႈလီႈတႈက်ဲအံၚအပူၚ မ့ႈပွၚသ့ဥတဖဥလ႕အဘဥဆိဥဂ့ၚ၀ဲယ ဒီးတႈဒိးနဥ့တႈဆိဥဂ့ၚ တမ့ႈတႈထဲလ႕အဘဥဃးဒီးခါဆူညါဘဥဒီး မ့ႈတႈလ႕အဘဥဃးဒီးဆ႕ကတီႈအခဲအံၚနဥ့လီၚ’ စံး၀ဲလ႕ ပမ့ႈအိဥဘူးဒီးခရံဏကစႈယ ပမ့ႈဒိကနဥအကလုႈကထါ ဒ္အမ့ႈအပ်ဲႈအဘီဥအတီအလိၚသ့ဥတဖဥယ ပမ့ႈအိဥမူထြဲ၀ဲဒ္အကလုႈကထါအိဥ၀ဲအသိး ကိးမုႈနံၚဒဲးဒီး ပကမ့ႈပွၚသ့ဥတဖဥတဖဥလ႕အဘဥဆိဥဂ့ၚ၀ဲအဂ့ႈ စံး၀ဲနဥ့လီၚ’ အအံၚ မ့ႈ၀ဲတႈသူဥဖွံသးညီလ႕အဟ့ဥပွၚတႈမုဏတႈခုဥ လ႕တႈနးတႈဖွီဥအက်ါအဂ့ႈ စံး၀ဲနဥ့လီၚ’

တႈဆိဥဂ့ၚ (Beatitutes) မ့ႈ၀ဲပတႈအိဥမူအတႈလဲၚက်ဲ အဟီဥခိဥဂီၚယ ခရံဏကစႈအတႈအိဥမူ ပဏဖ်ါထီဥနဥ့ပွၚ တႈဂ့ႈလ႕အဘဥဆိဥဂ့ၚဆိဥ၀ါ၀ဲသ့ဥတဖဥ ဒီးပထိဥအီၚဒြးအီၚ ဒ္ပွၚဟီဥခိဥဖိသ့ဥတဖဥအတႈထိဥတႈဒြးတႈတသ့၀ဲအဂ့ႈ စံး၀ဲနဥ့လီၚ’ တႈဆိဥဂ့ၚအဂ့ႈခီဥထံးသ့ဥတဖဥအံၚ ဃဥကဒါကြံဏ၀ဲပွၚလ႕အအိဥဒီးတႈကဲထီဥလိဏထီဥယ ကဲဒိဥထူးတီၚ၀ဲယ အိဥ၀ဲဒီးတႈစိတႈကမီၚသ့ဥတဖဥအတႈဆိကမိႈဆိကမးနဥ့လီၚ’ မ့မ့ႈတခီ ပွၚဖွီဥဖိဎဏဖိယ ပွၚလ႕အအိဥဒီးတႈသူဥဂ့ၚသး၀ါယ အိဥဒီးတႈသူဥတီသးလိၚယ ပွၚလ႕အဘဥတႈမၚအ႕မၚနးအီၚသ့ဥတဖဥ မ့ႈပွၚလ႕အဘဥဆိဥဂ့ၚ၀ဲသ့ဥတဖဥအဂ့ႈ ပႈပါစံး၀ဲနဥ့လီၚ’

ခရံဏဟဲ၀ဲဒ္သိးအကမၚတႈခ့တႈပွၚအတႈမၚ တမ့ႈလ႕အကဒိးနဥ့ပွၚမၚတႈလ႕အဂီႈဘဥဒီး သိဥလိပွၚလ႕ တႈဒိးနဥ့လီႈဒိဥလၚထီ တဘဥတႈထံဥနဥ့အီၚလ႕ တႈအိဥဒီးတႈဖိတႈလံၚအါအါဘဥဒီး မ့ႈတႈလ႕ပဟ့ဥတႈအပူၚယ တႈအိဥမူအခီပညီ မ့ႈ၀ဲတႈရ့လိဏမုဏလိဏပသးဒီးခရံဏကစႈယ တႈအဲဥတႈကြံပွၚလ႕ပဃ႕ၚသ့ဥတဖဥအပူၚယ ဒီးတႈဆိဥဂ့ၚ (beatitudes) မ့ႈ၀ဲပတႈအိဥမူအတႈလဲၚက်ဲအဟီဥခိဥဂီၚယ တအိဥ၀ဲဒီးတႈစိတႈကမီၚအလီၚဆီ၀ဲသ့ဥတဖဥဘဥဒီးယ မ့ႈ၀ဲတႈကြႈလိကြႈဒိးခရံဏကစႈ လ႕ကိးမုႈနံၚဒဲးပတႈအိဥမူအပူၚအဂ့ႈ ပႈပါစံး၀ဲနဥ့လီၚ’

ပႈပါ Francis စံးဘ်ဳးစံးဖွိဥ၀ဲ ပွၚလဲၚဘူဥဘါဃုဏသကိးတႈ တကလီႈဃိးကလး လ႕အမ့ႈပွၚလ႕ထံကီႈအဘ့ဥအါနဥ့တကဎၚသ့ဥတဖဥ ဒီးပွၚ Muslims အဂၚ ၄၀၀၀ ဖဲတႈလီႈအံၚအပူၚသ့ဥတဖဥ ဒ္အအိဥမူသကိး၀ဲဒ္ တႈသးခုကစီႈအိဥဖ်ါ၀ဲအသိးနဥ့လီၚ’ ထိဥသႀတီၚ၀ဲလံဏတႈသးခုကစီႈ ဒီးတႈသူဥ၀ံဥသးဆ႕လ႕ပွၚသး၀ံဥအီၚသ့ဥတဖဥဒီးစံး၀ဲလ႕ ပွၚအိဥဖဲတႈလီႈအံၚအပူၚသ့ဥတဖဥ လီၚဂဏဒ္ပွၚသး၀ံဥတႈဖိတဖဳ လ႕ကိးလၚ၀ဲအက်ိဏ (Choir), မ့ႈပွၚလ႕ထံကီႈအလီၚဆီ၀ဲသ့ဥတဖဥယ တႈကတိၚလီၚဆီ၀ဲသ့ဥတဖဥယ အလုလဏဆဲးလၚလီၚဆီ၀ဲသ့ဥတဖဥယ တႈတဒ္သိးလိဏသးခဲလ႕ႈသ့ဥတဖဥ အတႈအိဥဃုဏဆိးဃုဏသကိး၀ဲလ႕ထံကီႈအံၚအပူၚယ ဒီးမ့ႈတႈလ႕အဘဥသးစီဆွံကစႈအသးယ မၚဘဥလိဏဖိးဒ့လိဏသးထီဘိယ ဒ္သိးတႈလ႕အလီၚဂဏဒ္တႈသး၀ံဏလ႕အမုဏ၀ဲတဎုႈအိဥအဂ့ႈ စံး၀ဲနဥ့လီၚ’

ပႈပါထိဥသႀတီၚ၀ဲတႈအိဥဖွိဥကရ႕လ႕ UAE အပူၚယ ဒီးလ႕ပ်႕ၚတႈအိဥဖွိဥကရ႕လ႕ Philadelphia, ဒ္ပထံဥဘဥ၀ဲလ႕ တႈလိဏဖ်ါ ၃း၇”၁၃ အပူၚယ ဒီးစံး၀ဲလ႕ တႈအိဥဖွိဥကရ႕ ဖီဥဂ႕ႈဖီဥက်႕ၚ၀ဲ ခရံဏကစႈအကလုႈကထါ လ႕အတညိကြံဏ၀ဲခရံဏအမံၚအပူၚယ ဒီးအိဥတီအိဥလိၚ၀ဲထီဘိယ လဲၚ၀ဲဆူညါကြႈ့ကြႈ့ယ လ႕တႈကီတႈခဲသ့ဥတဖဥအက်ါနဥ့လီၚ’ Philadelphia အခီပညီမ့ႈ၀ဲ ဒီပုႈ၀ဲႈသ့ဥတဖဥအတႈအဲဥလိဏအသးအဂ့ႈ စံး၀ဲနဥ့လီၚ’ မၚကတ႕ႈ၀ဲအတႈစံဏတဲၚတဲလီၚတႈ ခီဖ်ိအတႈကြဲမုႈ၀ဲ ပွၚခဲလ႕ဏလ႕ United Arab Emirates အပူၚသ့ဥတဖဥ ဒ္သိးအကပ႕ၚဃဥ၀ဲလ႕တႈမုဏတႈခုဏယ တႈဃူတႈဖိး ဒီးကြႈထြဲမၚစ႕ၚလိဏသးတဂၚဒီးတဂၚယ လ႕ဒီပုႈ၀ဲအတႈရ့လိဏသးလ႕အဃံလၚ၀ဲ ဖဲတႈပဏလီၚဆီယ ပဲဏဖးနီၚဖးလိဏသးတအိဥ၀ဲအပူၚနဥ့လီၚ’

SOURCE:

VATICAN NEWS

For viewing and listening to the Content of This Program: Please Click the Post Below

လ႕တႈကြႈကီဒိကနဥတႈရဲဥလီၚက်ဲၚလီၚအံၚအဂီႈ ဆီဥလီၚတႈဂီၚမူအိဥဖဲအဖီလဏအံၚ ဒီးကြႈကီဒိကနဥအီၚသ့၀ဲနဥ့လီၚ