ပႈပါ Francsi မၚ၀ဲ Angelus အတႈထုကဖဥတႈဖဲ ၂၀၁၉ ဎႏူၚအါရံၚ ၁၃ သီအမုႈနံၚ

Pope Francis Angelus Prayer Jan 13 2019

ဖဲ ၂၀၁၉ ဎႏူၚအါရံၚ ၁၃ သီအမုႈနံၚ အမၚ၀ဲ Angelus အတႈထုကဖဥတႈဃုဏဒီးပွၚကမ်႕ႈဖိသ့ဥတဖဥ အကတီႈ ပႈပါ Francis စံး၀ဲလ႕ ခရံဏအိဥဖ်ဲဥအဆ႕ကတီႈကတီႈ၀ဲလံဒီး မုႈနံၚအံၚမ့ႈ၀ဲတႈမၚလၚမၚကပီၚ ခရံဏအတႈဒိးသ့စီအသးအမုႈနံၚနဥ့လီၚ’ ပတႈဘူဥထီဥဘါထီဥတႈ အတႈရဲဥလီၚက်ဲၚလီၚ ဒုးသ့ဥညါနဥပ႕ႈပွၚခရံဏအဂ့ႈအက်ိၚအါထီဥဒီးအါထီဥ၀ဲယ ဒီးမ့ႈ၀ဲအတႈရ့လိဏအသးဒီးပွၚကညီယ ဒီးအတႈရ့လိဏအသးဒီးပႈကစႈဎြၚအဂ့ႈအက်ိၚနဥ့လီၚ’

ဖဲအတႈဒိးသ့စီအသးလ႕ထံက်ိဎဥဒ့ဥအပူၚ အဆိကတ႕ႈပထံဥဘဥ၀ဲ ပွၚကမ်႕ႈဖိသ့ဥတဖဥ ဒီးခရံဏအိဥ၀ဲလ႕ပွၚကညီသ့ဥတဖဥအက်ါနဥ့လီၚ’ အအံၚမ့ႈတႈလ႕အလီႈအိဥ၀ဲသပွႈကတ႕ႈလ႕ ပကဘဥနဥပ႕ႈအီၚ ဒ္ခရံဏအိဥ၀ဲဒီးပွၚကမ်႕ႈဖိသ့ဥတဖဥ တခ်ဳးလ႕အဘဥတႈဘ်႕လီၚအီၚလ႕ထံက်ါဒ္ဘဥ အကတီႈနဥ့လီၚ’ အိဥ၀ဲဆိး၀ဲဃုဏဒီးပွၚကညီသ့ဥတဖဥ ဒ္ပွၚကညီနီႈနီႈတဂၚအသိးယ ဟံးနဥ့ဃုဏ၀ဲတႈကိးမံၚဒဲး ဘဥဆဥတမ့ႈ၀ဲဃုဏဒီးတႈဒဲးဘးဘဥနဥ့လီၚ’ လ႕အတႈစီတႈဆွံအပူၚယ လ႕အအိဥလ႕ပွဲၚဒီးတႈဆိဥဂ့ၚယ တႈသူဥကညီၚသးကညီၚတႈအပူၚယ ဎြၚအဖိခြါဟံးနဥ့ပွၚကညီအတႈကဲ ဒ္သိးအကပဏထီဥပွၚကညီသ့ဥတဖဥအတႈဒဲးဘးလ႕အဖီခိဥယ ဒီးထုးထီဥကြံဏဟီဥခိဥလ႕တႈဒဲးဘးအပူၚအဂီႈနဥ့လီၚ’ အဃိယ မုႈတအံၚ မ့ႈစ့ႈကီးဎြၚအတႈလိဏဖ်ါထီဥအသးယ ခီဖ်ိလ႕အဒိးနဥ့တႈသ့စီလ႕စီၚဎိၚဟဥအအိဥအဃိယ ဒီးလ႕ပွၚကမ်႕ႈဖိလ႕အအိဥဒီးတႈပီႈဎဏလီၚက့ၚသးသ့ဥတဖဥအက်ါအဃိယ ခရံဏပဏဖ်ါထီဥ၀ဲအတႈဖံးတႈမၚအခီပညီနဥ့လီၚ’ ခီဖ်ိအတႈအိဥဃုဏဒီးပွၚကမ်႕ႈဖိသ့ဥတဖဥအဃိယ ဒိးနဥ့ဃုဏ၀ဲပွၚသ့ဥတဖဥအံၚအတႈဆ႕မၚနဥ့တႈ ဘဥဃးဒီးတႈမၚသီထီဥက့ၚနီႈသးအဂီႈနဥ့လီၚ’ ဒီးသးစီဆွံကစႈ လ႕အဟဲလီၚ၀ဲဆူအဖီခိဥ ဒ္ထိဥလြံႈအသိးအံၚ မ့ႈတႈပနီႈလ႕အဘဥဃးဒီး တႈမၚသီထီဥက့ၚဟီဥခိဥ လီၚဆီဒဥတႈလ႕ ပွၚလ႕အတူဥလိဏခရံဏကစႈ လ႕အတႈအိဥမူအပူၚသ့ဥတဖဥနဥ့လီၚ’ ပ၀ဲသ့ဥခဲလ႕ဏ ဒ္ပဒိးနဥ့ဘဥလံ၀ဲတႈအိဥဖ်ဲဥထီဥအသီလ႕ခရံဏကစႈအပူၚအသိး ပဒိးနဥ့ဘဥ၀ဲတႈကတိၚလ႕ပႈကစႈဎြၚအအိဥလ႕အမ့ႈ နဲဒဥအံၚနမ့ႈဎဖိခြါလ႕ဎအဲဥယ (နဲဒဥအံၚနမ့ႈဎဖိမုဏလ႕ဎအဲဥ)ယ ဒီးဘဥဎသးလ႕နၚလီၚ’ (Lk 3:v 22)

ပႈကစႈဎြၚအတႈအဲဥတႈကြံ လ႕ပဒိးနဥ့ဘဥအီၚဖဲခရံဏအတႈဒိးသ့စီအသးအမုႈနံၚအံၚယ မ့ႈမ့ႈအူလဏလ႕အကဲၚကပီၚထီဥ၀ဲလ႕ ပသူဥပသးအပူၚယ ဒီးပကဘဥမၚဆူဥထီဥအီၚ ခီဖ်ိတႈထုကဖဥဒီးတႈအဲဥတႈကြံနဥ့လီၚ’

ခရံဏအတႈဘ်႕လီၚအသးလ႕ပွၚကမ်႕ႈဖိသ့ဥတဖဥအက်ါ ဒီးလ႕ထံက်ိဎဥဒ့ဥအထံက်ါ၀ံၚအလီႈခံယ ခရံဏဘ်႕လီၚအသးလ႕တႈထုကဖဥအပူၚယ အခီပညီမ့ႈ၀ဲအတႈရ့လိဏမုဏလိဏအသးဒီးပႈကစႈဎြၚနဥ့လီၚ’ ခရံဏအတႈဒိးသ့စီအသး မ့ႈ၀ဲအတႈစးထီဥအတႈဖံးတႈမၚ လ႕ဟီဥခိဥခ်႕ ဒ္အဘဥတႈမ႕လီၚအီၚအသိး ဒ္သိးအကပဏဖ်ါထီဥ ပႈကစႈဎြၚအတႈဂ့ၚတႈ၀ါ အတႈအဲဥတႈကြံဆူပွၚကညီသ့ဥတဖဥအဂီႈနဥ့လီၚ’ အတႈဖံးတႈမၚအံၚ မ့ႈ၀ဲလ႕အတႈရ့လိဏအသးဒီးပႈကစႈဎြၚ ဒီးသးစီဆွံကစႈတဘိဎူႈဃီအပူၚနဥ့လီၚ’ ဒ္သိးပကအိဥတီအိဥလိၚဒီး တႈကဲထီဥလိဏထီဥလ႕ ပတႈဖံးတႈမၚအပူၚအဂီႈ တႈအိဥဖွိဥကရ႕ဒီးပ၀ဲသ့ဥတဂၚဘဥတဂၚအတႈဖံးတႈမၚ ကဘဥမ့ႈ၀ဲတႈဘ်႕လီၚပသးလ႕ခရံဏကစႈအပူၚနဥ့လီၚ’ အအံၚမ့ႈ၀ဲ တႈရၚလီၚတႈသးခုကစီႈထီဘိ ဒီးပွၚတႈမ႕ဖိသ့ဥတဖဥ အတႈဖံးတႈမၚတႈလ႕ တႈထုကဖဥအပူၚယ အုဥအသးလ႕တႈဖ်ါဆဲးဖ်ိအပူၚယ ဒီးတမ့ႈ၀ဲလ႕ ပွၚကညီသ့ဥတဖဥအတႈကူဥထီဥဖးလီၚတႈအပူၚဘဥဒီး မ့ႈ၀ဲဒ္ဎြၚအတႈသုးတႈက်ဲၚအိဥ၀ဲအသိးနဥ့လီၚ’

ပႈပါ Francis စံး၀ဲလ႕ ခရံဏအတႈဒိးနဥ့၀ဲတႈသ့စီ မ့ႈတႈခြဲးတႈဎဏတမံၚလ႕ ပတႈမၚသီထီဥက့ၚပတႈအ႕ႈလီၚအီလီၚလ႕ တႈစံးဘ်ဳးစံးဖွိဥဎြၚယ တႈသ့ဥညါတႈပ႕ႈပမူပဒါ ဒ္သိးပကအိဥမူကိးမုႈနံၚဒဲး ဘဥထြဲလိဏအသးဒီး ပတႈအ႕ႈလီၚအီလီအိဥ၀ဲအသိးနဥ့လီၚ’ တႈသ့ဥညါတိဥနီႈဃဥပတႈသ့စီအမုႈနံၚယ မ့ႈတႈလ႕အရ့ဒိဥ၀ဲသပွႈကတ႕ႈအဂ့ႈ  ပႈပါ Francis စံး၀ဲနဥ့လီၚ’

SOURCE:

ZENIT

VATICAN NEWS

For viewing the Content of This Program: Please Click the Post Below

လ႕တႈကြႈကီဒိကနဥတႈရဲဥလီၚက်ဲၚလီၚအံၚအဂီႈ ဆီဥလီၚတႈဂီၚမူအိဥဖဲအဖီလဏအံၚ ဒီးကြႈကီဒိကနဥအီၚသ့၀ဲနဥ့လီၚ