ကီႈဖံးလံပံ ဒီးကီႈကိရံဎါ အသီခါကရ႕ခိဥသ့ဥတဖဥ ပဏဖ်ါထီဥ၀ဲအတႈသုဥအုးသးအုး မ့ႈလ႕ပႈပါ Benedict XVI ဂၚတဂၚ သံတ့ႈလံ၀ဲအဃိတႈကစီဥ

ကီႈ Philippines သီခါကရ႕ခိဥသ့ဥတဖဥအခိဥအနႈ Bishop Pablo Virgilio S. David လ႕ Kalookan ရၚလီၚ၀ဲ အလံဏပဏဖ်ါတဘ့ဥ ဘဥဃးဒီးတႈသူဥအုးသးအုး မ့ႈလ႕ ပႈပါလ႕အအိဥဘွံးတ့ႈလံ၀ဲလ႕ တႈဖံးတႈမၚ ပႈပါ Benedict XVI  ဖဲလါဒံဥစ့ဘ႕ဥ ၃၁ သီအမုႈနံၚအဃိနဥ့လီၚ’

လ႕အလံဏပဏဖ်ါထီဥတႈအပူၚစံး၀ဲ ပႈပါ Benedict XVI  မ့ႈပွၚတဂၚလ႕အအိဥဒီးတႈသးကညီၚ တႈသူဥဖွံသးညီ  ဒီးကဘဥတႈသ့ဥနီဥအီၚ ဒ္အမ့ႈပႈပါလ႕ အအိဥဒီး တႈအဲဥတႈကြံတဂၚနဥ့လီၚ’ စးထီဥ၀ဲအတႈဖံးတႈမၚ ဒ္သီခါကရ႕ခိဥတဂၚအသိး ဒ္အကြဲး၀ဲလံဏတဘ့ဥလ႕အမ့ႈ၀ဲ Deus Caritas Est (God is Love) နဥ့လီၚ’

ကီႈဖံးလံးပံ အသီခါကရ႕ခိဥသ့ဥတဖဥအခိဥအနႈ စံး၀ဲလ႕ ပႈပါ Benedict XVI  မ့ႈပွၚဒိဥပွၚထီ ဘဥဃးဒီးပွၚသ့၀ဲ ဎြၚဂ့ႈပီညါယ မ့ႈစ့ႈကီးပွၚသ့၀ဲ တႈသူဥ၀ံဥသးဆ႕နဥ့လီၚ’ စံး၀ဲလ႕ အသူ၀ဲ တႈအိဥမူလ႕ခံကတ႕ႈအဆ႕ကတီႈသ့ဥတဖဥ ဒ္အမ့ႈပွၚလ႕အအိဥသဒ႕အသး လ႕တႈကြႈထံဆိကမိဥတႈထံထံဆးဆးအပူၚ ဒီးဆီဥထြဲ၀ဲ  တႈအိဥဖွိဥကရ႕လ႕ ဟီဥခိဥဒီဘ့ဥ ဒီးပႈပါဖရဥစ့း လ႕အတႈထုကဖဥသ့ဥတဖဥအပူၚ နဥ့လီၚ’

သီခါကရ႕ခိဥ Bishop David  ကြဲမုဏ၀ဲပွၚခဲလ႕ဏ ဒ္သိးအကဃ့ထုကဖဥနႈ့တႈလ႕ Benedict XVI  အဂီႈယ ဒီးအးလီၚအီၚလ႕ ဎြၚပကစႈအစုပူၚ နဥ့လီၚ’ စံးဘ်ဳးစံးဖွိဥ၀ဲပွၚခဲလ႕ဏ လ႕အလဲၚဃုဏတႈဒီး Benedict XVI လ႕တႈထုကဖဥအပူၚ ဒီးတႈလုႈမံးဆါသ့ဥတဖဥလ႕ ပွၚလုႈထီဥအီၚလ႕ Benedict အဂီႈအဃိနဥ့လီၚ’

ကီႈဖံးလံးပံ သီခါကရ႕ခိဥသ့ဥတဖဥ အခိဥအနႈစံး၀ဲလ႕ အ၀ဲသ့ဥ ကသ့ဥနီဥထီဥ၀ဲ Benedict XVI  လီၚဆီဒဥတႈ သီခါကရ႕ခိဥလ႕ အဘဥတႈပဏတႈပဏထီဥအီၚဆူ သီခါကရ႕ခိဥအလီႈအလၚသ့ဥတဖဥ လ႕ Benedict XVI  အဃိနဥ့လီၚ’

ပႈပါ Benedict ပဏထီဥ၀ဲ Bishop David ဆူသီခါကရ႕ခိဥအလီႈ ဖဲ ၂၀၀၆ လါဎူလံဥအပူၚနဥ့လီၚ’

ကဥဒံဥနဲဥ Jose Advincula လ႕၀့ႈမနံဥလဥ သီခါကရ႕ခိဥအလီႈက၀ီၚ တီခိဥရိဥမဲ၀ဲတႈထုကဖဥ လ႕ပႈပါ Benedict လ႕အသံတ့ႈလံ၀ဲတဂၚအဂီႈ တခ်ဳးလ႕နံဥထီဥသီ အတႈလုႈမံးဆါအကတီႈ ဖဲ၀့ႈမနံဥလႈ တႈဘါသရိဏဖးဒိဥအပူၚ ဖဲလါဒံဥစ့ဘ႕ဥ ၃၁ သီနဥ့လီၚ’

ကီႈကိရံဎါအသီခါကရ႕ခိဥသ့ဥတဖဥ (CBCK) စ့ႈကီး ထုးထီဥရၚလီၚ၀ဲလံဏပဏဖ်ါတဘ့ဥ လ႕အမ့ႈ၀ဲ တႈသူဥအုးသးအုးလ႕ Benedict XVI အတႈသံ၀ဲဖဲ လါဒံဥစ့ဘ႕ဥ ၃၁ သီအမုႈနံၚအဃိနဥ့လီၚ’

ကိရံဎါသီခါကရ႕ခိဥသ့ဥတဖဥ အခိဥအနႈ Bishop Matthias Lee Yong Hoon စံး၀ဲလ႕ ကိရံဎါသီခါကရ႕ခိဥသ့ဥတဖဥ ကအိဥသ့ဥနီဥထီဥက့ၚ၀ဲ တႈဂ့ႈလ႕အမ့ႈ၀ဲ ပႈပါ Benedict XVI ဃ့ထုကဖဥတ့ႈလံ၀ဲလ႕ ကီႈကိရံဎါထံဖိကီႈဖိသ့ဥတဖဥ အတႈဃူတႈဖိးအဂီႈ ဒီး ဒူဥဖိထ႕ဖိလ႕ အအိဥလီၚဖး၀ဲသ့ဥတဖဥ အတႈထံဥလိဏက့ၚသးအဂီႈ ဒီး စံးပႀတ႕ၚ၀ဲ ဃုဏဒီးအတႈကတိၚဟ့ဥဂံႈဟ့ဥဘါ၀ဲ ကီႈကိရံၚဎါ အတႈအိဥဖွိဥကရ႕အပွၚမၚတႈဖိသ့ဥတဖဥ ဒီးပွၚပတီႈမုႈဖိသ့ဥတဖဥ ဖဲအတႈလဲၚဟး၀ဲဆူ ထံကီႈအံၚအအိဥ အကတီႈနဥ့လီၚ’

ဖဲအလံဏပရ႕လ႕အကြဲး၀ဲဆူ ကီႈကိရံဎါထံကီႈခိဥနႈလ႕ညါတဂၚ လ႕အမ့ႈ Roh Moo-hyun ဖဲ ၂၀၀၇ ဖ့ႀဘဴၚအါရံၚ ၁၁ သီအမုႈနံၚအပူၚ ပႈပါ Benedict XVI စံး၀ဲ အါနဥ့အနံဥ ၅၀ အတီႈပူၚ ကိရံဎါအပွၚကမ်႕ႈဖိသ့ဥတဖဥ ဘဥတူႈဘဥ၀ဲ တႈလီၚမုဏလီၚဖး အတႈပိဏထြဲသ့ဥတဖဥအဃိနဥ့လီၚ’

ဒ္သိးပွၚကဒုးသ့ဥညါ၀ဲ ပွၚကမ်႕ႈဖိသ့ဥတဖဥလ႕ ပႈပါပဏဘူးအသးဒီးအ၀ဲသ့ဥအဂ့ႈယ ဒီးစံး၀ဲဒ္သိး ပွၚကသ့ဃုထံဥနႈ့က်ဲ လ႕အခ့် လ႕တႈဂ့ႈကီလ႕ အႀတီဃဥ၀ဲ တႈဆဲးက်႕လိဏသး တဂၚဒီးတဂၚအဂီႈ ပႈပါစံးတ့ႈလံ၀ဲ ထံကီႈအံၚ အသီခါကရ႕ခိဥသ့ဥတဖဥနဥ့လီၚ’

Filipino and Korean Bishops’ Conferences offer their condolence for the late Pope Benedict XVI, RVA News | January 02, 2023