တႈအိဥဖွိဥကရ႕လ႕ ဟီဥခိဥဒီဘ့ဥ မၚဃုဏသကိးတႈလ႕ ကီႈစီဆွံတႈမုဏတႈခုဥအဂီႈ

တႈအိဥဖွိဥကရ႕လ႕ ဟီဥခိဥဒီဘ့ဥ မၚဃုဏသကိးတႈလ႕ ကီႈစီဆွံတႈမုဏတႈခုဥအဂီႈ

ဒ္တႈဒုးလိဏသးလ႕ ကီႈအံးစရ့လးဒီး Hamas သ့ဥတဖဥအဘ႕ဥစ႕ၚ အိဥဒ္၀ဲ ဒီးတႈဂ့ႈကီဘဥဃးဒီး ပွၚကညီဂ့ႈ၀ီအိဥအါထီဥ၀ဲအသိး ပွၚခရံဏဖိလ႕ ဟီဥခိဥဒီဘ့ဥ ထုကဖဥသကိးတႈလ႕ ကီႈစီဆွံတႈမုဏတႈခုဥအဂီႈနဥ့လီၚ’

တႈအိဥဖွိဥကရ႕ခိဥနႈလ႕ ကီႈစီဆွံအပူၚသ့ဥတဖဥ ကြဲမုဏတႈလ႕ တႈထုကဖဥအမုႈနံၚ အဂီႈနဥ့လီၚ’ ဖဲအကြဲး၀ဲလံဏပရ႕ဆူ ဟီဥခိဥဒီဘ့ဥ တႈအိဥဖွိဥကရ႕ဖိသ့ဥတဖဥအအိဥအသိး တႈအိဥဖွိဥကရ႕ခိဥနႈလ႕ ကီႈစီဆွံအပူၚ Cardinal Pierbattista Pizzaballa ဃ့ကညးတႈဖဲ အီးကထိဘ႕ဥ ၁၇ သီ မုႈခံနံၚ ဒ္သိးပွၚကိးဂၚဒဲး ကမၚသကိး တႈဒုဥတႈအီဥယ တႈဒုဥတႈဖံးတႈညဥ ဒီးတႈထုကဖဥတႈလ႕ တႈမုဏတႈခုဥအဂီႈ ဒီးတႈမၚဃူလိဏဖိးလိဏက့ၚတႈအဂီႈ လ႕တႈဒုးတႈဎၚအိဥထီဥ၀ဲ တႈလီႈတႈက်ဲအဂီႈနဥ့လီၚ’

Latin Patriarch လ႕၀့ႈဎရူးရွလ့ဥ မ႕နဥ့ဆီဥခံ၀ဲ တႈထုကဖဥအကတီႈ ဃုဏဒီးတႈဘူဥထီဥဘါထီဥကိဥဘူဥစီဆွံ ဒီးတႈထုကဖဥတႈ ခီဖ်ိဖဲစီဆွံ နဥ့လီၚ’ အအံၚ မ့ႈ၀ဲက်ဲလ႕ ပမၚဃုဏသကိးတႈ ဒီးပဏဖွိဥဃုဏလိဏပသး လုႈထီဥတႈထုကဖဥဆူဎြၚအအိဥ မ့ႈလ႕တႈသူပသးလ႕ တႈမုဏတႈခုဥယ တႈတီတႈလိၚ ဒီးတႈမၚဃူလိဏဖိးလိဏက့ၚတႈအဂီႈနဥ့လီၚ’

တႈဒုးလိဏသးစးထီဥဖဲ လါအီးကထိဘ႕ဥ ၇ သီ၀ံၚအလီႈခံယ ပွၚအံးစရ့လးဖိ ၁ယ၄၀၀ ဒီး ပွၚပဥလဲးစတံဖိ ၂ယ၇၀၀ သ့ဥတဖဥ သံတ့ႈလံ၀ဲ ဒီးပွၚအါဒံအါဂၚသ့ဥတဖဥ ဘဥဒိဘဥထံး၀ဲနဥ့လီၚ’ တႈအိဥဖွိဥကရ႕ခိဥနႈလ႕ ၀့ႈဎရူးရွလ့ဥအပူၚသ့ဥတဖဥ စံး၀ဲလ႕ ဆ႕ကတီႈဟဲတုၚ၀ဲဒ္သိး ပွၚကဘဥဆိကတီႈကြံဏ တႈသူဥဟ့သးဟ့ နဥ့လီၚ’

ဟီဥခိဥဒီဘ့ဥ တႈအိဥဖွိဥကရ႕သ့ဥတဖဥအကီႈကး (The World Council of Churches) ကြဲမုဏ၀ဲ တႈအိဥဖွိဥကရ႕ခဲလ႕ဏ ဒီး ပွၚလ႕အအိဥဒီးတႈသူဥဂ့ၚသး၀ါ သ့ဥတဖဥ ကပဏဖွိဥဃုဏလိဏသး မၚဃုဏသကိးတႈလ႕ တႈထုကဖဥတႈ လ႕တႈမုဏတႈခုဥအဂီႈယ လ႕တႈဟ့ဥမၚစ႕ၚတႈလ႕ ပွၚတူႈဘဥတႈသ့ဥတဖဥအဂီႈယ ဒီးပွၚလ႕အတအိဥလ႕ၚဒီးပွၚသ့ဥတဖဥလ႕အအဲဥ၀ဲ သ့ဥတဖဥအဂီႈနဥ့လီၚ’

Churches join global prayer day for peace in the Holy Land

Vatican News -October 17 2023