သးစႈသ့ဥတဖဥအမုႈနံၚ မ့ႈ၀ဲတႈခြဲးတႈဎဏ ဘဥဃးဒီးတႈမုႈလႈအဂ့ႈ ပႈပါစံး၀ဲ

သးစႈသ့ဥတဖဥအမုႈနံၚ မ့ႈ၀ဲတႈခြဲးတႈဎဏ ဘဥဃးဒီးတႈမုႈလႈအဂ့ႈ ပႈပါစံး၀ဲ

ပွၚလ႕အကလဲၚမၚဃုဏသကိးတႈ လ႕၂၀၂၃ သူဥဘီဥသးစႈသ့ဥတဖဥအမုႈနံၚ လ႕၀့ႈ Lisbon အပူၚ ပႈပါစံး၀ဲလ႕ တႈမၚအသးအံၚ မ့ႈ၀ဲတႈခြဲးတႈဎဏ ဒ္သိးပွၚကဒိဥထီဥထီထီဥ၀ဲလ႕ တႈမုႈလႈအပူၚ အဂီႈနဥ့လီၚ’

ဟီဥခိဥဒီဘ့ဥသူဥဘီဥသးစႈသ့ဥတဖဥအမုႈနံၚ ကဘဥတႈမၚလၚမၚကပီၚအီၚ ဖဲကီႈ Portugal အ၀့ႈ Lisbon ဒီးကမ့ႈ၀ဲဖဲ လါအီကူး ၁ သီတုၚလ႕ ၆ သီနဥ့လီၚ’

ပႈပါဖရဥစ့းစံး၀ဲလ႕ သူဥဘီဥသးစႈအမုႈနံၚ မ့ႈတႈလ႕အဃံလၚ၀ဲတမံၚ ဒီးအိဥသူဥလီၚအသးလ႕ တႈမုႈလႈအဖီခိဥယ ဒီးစံး၀ဲဒ္သိး သူဥဘီဥသးစႈသ့ဥတဖဥ ကအိဥကတဲႈကတီၚအသး လ႕တႈသူဥဆူဥသးဂဲၚအပူၚ မ့ႈလ႕ သးစႈသ့ဥတဖဥ သ့ဒိဥထီဥထီထီဥ၀ဲ ခီဖ်ိ တႈမၚလၚကပီၚသူဥဘီဥသးစႈသ့ဥတဖဥအမုႈနံၚ အဃိနဥ့လီၚ’ တႈနႈ့ဘ်ဳးနႈ့ဖွိဥကမ့ႈ၀ဲဒ္လဲဥဒ္လဲဥ ဆ႕ကတီႈအခဲအံၚ သးစႈသ့ဥတဖဥ တသ့ဥညါဒ္၀ဲဘဥဆဥ အ၀ဲသ့ဥ သ့မုႈလႈ၀ဲဒ္သိး အကထံဥဘဥ၀ဲ တႈလီၚလိဏလီၚလး တႈလ႕အသီသ့ဥတဖဥ ဒ္အ၀ဲသ့ဥ ကထံဥလိဏဘဥအသးဒီး သးစႈလ႕ ထံကီႈအဂုႈအဂၚသ့ဥတဖဥ ဒီးကတ့ဘွီထီဥသကိး၀ဲ တႈရ့လိဏမုဏလိဏသး လ႕အအိဥသူဥလီၚအသးလ႕ ပွၚခဲလ႕ဏအတႈလုႈတႈပွၚ့အဖီခိဥနဥ့လီၚ’

ပႈပါဖရဥစ့းစံး၀ဲလ႕ တႈအိဥဖွိဥကရ႕ဘဥဆိဥဂ့ၚ၀ဲ မ့ႈလ႕အအိဥဘဥဒီးတႈသူဥမုဏသးမုဏ လ႕သးစႈသ့ဥတဖဥအဂံႈအဘါအဖီခိဥ ဒီးဟ့ဥဂံႈဟ့ဥဘါ၀ဲ ပွၚလ႕အကလဲၚမၚဃုဏတႈလ႕ တႈမၚလၚကပီၚသးစႈအမုႈနံၚသ့ဥတဖဥ ဒ္သ္းအကအိဥကတဲႈကတီၚအသး ဂ့ၚဂ့ၚဘဥဘဥ လ႕တႈလ႕အကမၚအသး ဖဲတဎံဏလ႕ၚ၀ဲအကတီႈသ့ဥတဖဥအဂီႈနဥ့လီၚ’

လ႕တႈအိဥကတဲႈကတီၚသး ဂ့ၚဂ့ၚဘဥဘဥအဂီႈ တႈထံဥဆိပဏစ႕ၚလိဏသးဒီး သူဥက့သးပွႈသ့ဥတဖဥ ဒ္အမ့ႈ ဖံဖုသ့ဥတဖဥ မ့ႈတႈလ႕အကဲထီဥတႈဆီဥထြဲမၚစ႕ၚသ့၀ဲအဂ့ႈ ပႈပါစံး၀ဲနဥ့လီၚ’ သးစႈသ့ဥတဖဥ ႀက႕းလ႕အသံကြႈ၀ဲ ဖံဖုသ့ဥတဖဥလ႕ အ၀ဲသ့ဥဆိကမိဥ၀ဲလ႕ သးစႈသ့ဥတဖဥ ကဘဥမၚ၀ဲတႈမႏုလဲဥ နဥ့လီၚ’ သးပွႈသ့ဥတဖဥ ကစံး၀ဲလ႕ အ၀ဲသ့ဥ ကဒုးမၚနႈ့၀ဲ သူဥဘီဥသးစႈသ့ဥတဖဥလ႕ တႈကူဥသ့ အဂ့ႈ ပႈပါစံး၀ဲနဥ့လီၚ’ ၀ံၚအလီႈခံ ပႈပါ ပဏဖ်ါထီဥ၀ဲအလီထံဥဟူတႈကစီဥ လ႕သးစႈသ့ဥတဖဥအဂီႈ ဒီးစံး၀ဲလ႕ အကဟ့ဥဂံႈဟ့ဥဘါကဒီး သးစႈသ့ဥတဖဥ ဒ္သိးအကဂဲၚပ်ဳႈက်ဲးစ႕ၚကဒီး၀ဲဆူညါ ဒီးစံး၀ဲလ႕ အကဟ့ဥဂံႈဟ့ဥဘါကဒီးအ၀ဲသ့ဥ လ႕ Lisbon နဥ့လီၚ’

Pope says Lisbon 2023 a chance to grow in hope

Vatican News May 4, 2023